Ծրագրի նպատակն էր կինոդիտման միջոցով հավաքել գրենական պիտույքներ և տրամադրել Վեդի քաղաքի մանկապարտեզներից մեկի սաներին: Նարինեն և նրա ընկերները կինոդիտումը կազմակերպել էին Վեդի քաղաքի թիվ 3 ավագ դպրոցում, որտեղ նա ուսանում է: Ծրագիրն իրականացվել է 10-12-րդ դասարանցիների օգնությամբ:
Նարինեն իր ընկերների հետ միասին փորձել էր գտնել համայնքում առկա այնպիսի խնդիրներ, որոնց լուծմանն իրենք կարող էին նպաստել: Համայնքի կարիքների գնահատման ժամանակ նրանք պարզել էին, որ տեղի մանկապարտեզները չեն տրամադրում երեխաներին անհրաժեշտ գրենական պիտույքներ և նման անհրաժեշտ պարագաներ: Մենթին իր աշխատանքային խմբի հետ միասին այցելել էր գործող մանկապարտեզներ, զրուցել տնօրենների հետ, ստուգել օգտագործման մեջ գտնվող պիտույքների վիճակը և հասկացել, որ խնդիրն, իրոք, լուծման կարիք ունի: Այդ մասին նա տեղյակ էր պահել նաև դպրոցի այլ աշակերտների, որոնք էլ, ավելի ոգևորվելով, ցանկացել էին մասնակցել համայնքային նախաձեռնությանը և օգնել մանկապարտեզին:
Մանկապարտեզի ճիշտ ընտրությունը, թերևս, ամենից կարևորն էր: Այդ քայլն էլ արագ կատարվեց: Նարինեն զրուցեց ընտրված մանկապարտեզի սաների ծնողներից երկուսի հետ` համոզվելով, որ հենց այդ մանակապարտեզն է զգում օգնության կարիք: Այնտեղ վերջին անգամ պիտույքները թարմացվել էին մոտ 13 տարի առաջ: Մինչև կինոդիտմանը` ծրագրի հաջորդ փուլին անցնելը, պատրաստվել էին հայտարարություններ և փակցվել դպրոցի դասարաններում: Հայտարարության մեջ նշվում էր, որ նոյեմբերի 20-ը համարվում է «Երեխաների միջազգային օր» և այս նախաձեռնությունը նշանավորում է համայնքի ներդրումը՝ ուղղված երեխաների բարօրությանը:
Կինոդիտումը նշանակված էր նոյեմբերի 9-ին ժամը 13:15-ին: Նշանակված օրը բավականին մեծ թվով դպրոցականներ էին եկել դիտելու Վեդի թիվ 3 ավագ դպրոցում ցուցադրված «The pursuit of happiness» ֆիլմը: Տոմսեր գնելու փոխարեն նրանք բերել էին յոթանասուն նկարչական ալբոմ, 72 տուփ մատիտ, 59 տուփ ծեփանյութ, 43 տուփ ջրաներկ: Տուփերի վրա աշակերտները գրել էին բարեմաղթանքներ:
-------------------------------------------
Ծրագիրն իրականացնող մենթի - Նարինե Եղիազարյան
Ծրագիրն համակարգող մենթոր - Կարինե Նանյան
Ծրագրի անվանումը - «Աջակցություն Վեդու մանկապարտեզի սաներին»
-------------------------------------------
Ծրագրի անվանումը - «Աջակցություն Վեդու մանկապարտեզի սաներին»
-------------------------------------------
0 comments:
Post a Comment