Նոր Հաճնի ավագ դպրոցում նոյեմբերի 25-ից փետրվարի 3-ը ամեն կիրակի անցկացվեցին սեմինարներ Հայաստանի ազգային հերոսների, սերնդի դաստիարակության ու ուղղորդման գործում նրանց ունեցած մեծ ավանդի ու հերոսական քայլերի վերաբերյալ: Սեմինարներին մասնակցում էին Հաճն քաղաքի թիվ 2 ավագ դպրոցի 13-15 սաներ:
Ծրագրի նպատակն էր մասնակիցների մեջ սերմանել ճշտապահություն, գործի նկատմամբ ունեցած պատասխանատվություն, հարգանք դիմացինի նկատմամբ, գթասրտություն, մարդասիրություն ու հայրենասիրություն: Սեմինարների ընթացքում խոսվել է այնպիսի նշանակալի մարդկանց մասին, ինչպիսիք են Ն.Ս.Օ.Տ.Տ. Վազգեն Ա վեհափառը, Հայաստանի նախկին վարչապետ Վազգեն Սարգսյանը, հայ ազգի մեծ բարեկամներ ու բարերարներ Քըրք Քրքորյանն ու Ալեք Մանուկյանը, ֆրանսիահայ երգիչ Շարլ Ազնավուրը, աստղագետ-ֆիզիկոս Վիկտոր Համբարձումյանը, անկախ Հայաստանի կարևորագույն քաղաքական գործիչներից մեկը՝ Կարեն Դեմիրճյանը, Մոնթե Մելքոնյանն ու այլք:
Սեմինարների ընթացքում մեզ հյուրընկալվեցին մարդիկ, որ ժամանակին շփվել ու ընկերություն են արել վերոնշյալ անձանցից մի քանիսի հետ: Մեզ հյուր եկավ նաև Գևորգը՝ մենթորս, ով ևս հետաքրքիր տեղեկություններ տրամադրեց մեզ, ինչպես նաև խոսեց PLAY ծրագրի մասին : Պատմեց PLAY-ի էությունը և խորհուրդ տվեց մասնակցել նմանատիպ շատ այլ ծրագրերի :
Նաև սեմինարների ընթացքում դիտեցինք կարճամետրաժ ֆիլմեր՝ հերոոսներին նվիրված: Ֆիլմերին հաջորդեց քննարկումը, նրանց հերոսության դրսևորումն ու հիշարժան արարքները: Այսպիսով, ծրագրի արդյունքում մի խումբ հայ երիտասարդներ գիտակցեցին, որ հենց իրենք էլ կարող են հետևել այս մարդկանց օրինակներին՝ դառնալով ազգի, միջպետական հարաբերությունների ու քաղաքացիական գործընթացների ջատագովները:
-------------------------------------------------------------------------------------
Ծրագրի հեղինակ և իրականացնող մենթի - Վարդանյան Վարդան
Ծրագրի համակարգող մենթոր - Լոռեցյան Գևորգ
Ծրագրի անվանումը - «Մենք և մեր հերոսները»
-------------------------------------------------------------------------------------
0 comments:
Post a Comment